عمي ليش اغتصبت طفولتي؟

#عمي_ليش_اغتصب_طفولتي 

 يا الله يا عمي شو كنت بحب اغني طيري  طيري يا عصفورة انا متلك حلوة صغيورة كنت بحب العب الحجله والمقص ونط الحبل ولعبه البلدان بحب اعلق حبل ماكن عباب الحديد واحط مخدة  ونتمرجح انا والصغار  وشو كنا نكيف لما ينقطع فينا نحس بالانتصار وانو عم يزيد وزنا يا الله ما احلى شعورنا ونحنا نتسحسل عالرمل ونتزحلئ بالكرتونة عن الدحله شو كنت احب العب لعبه عروس وعريس مع ولاد الجيران  كنت بحلم اني رح اكبر واتزوج ويصير عندي ولاد صغار  ليش يا عمي ما تركتني اكمل حلمي ليش يا عمي ما تركتني مبسوطة ليش قضيت علي وحملتني هم اكبى مني سرقت طفولتي مني وفوق هيك هددتني ما اخبر حد وفعلا صار متل ما بدك ما حد بعرف بافعالك بس انا بعدني بتذكر كل شي عملتو معي 

نفسي اعرف شغله يا عمي لما عملت هيك معي ما كنت بتعرف انو هالشي رح يضل مأثر في معقول متقصد اضل اتعذب طول عمري ولا كنت مفكر رح انسى لما اكبر  بس انا مانسيت وكل يوم بتذكر شو عملت في انت قضيت علي وعبرائتي عاحلامي الكبيرة والصغيرة كرهت كل شي خليتني افقد الامان وما اثق حتى بماما وبابا بسببك ما رح اتزوج ولا رح يصير عندي ولاد صغار